Regionale innovasjonsprosjekt i næringslivet (2023)

• Bedrifter og samanslutningar av bedrifter (t.d. bedriftsnettverk og klynger) i Vestland fylke
• Kommunale bedrifter/føretak og andre typar føretak i Vestland fylke med økonomisk aktivitet i ein marknad
• Søkjar må vere registrert i det norske foretaksregisteret

Krav til samarbeid og roller i prosjektet

• Når ei stor bedrift søkjer er det krav til faktisk samarbeid med minst ei SMB-bedrift i Vestland (Samarbeidspartnar). Definisjon av bedrift og storleik følgjer EU sitt regelverk, sjå forklaring på Skattefunn si nettside. Faktisk samarbeid betyr at partane utveksler kunnskap eller teknologi for å nå eit felles mål på grunnlag av arbeidsdeling i prosjektet. Samarbeidspartnarane skal delta aktivt i planlegging og gjennomføring av prosjektet, inkludert finansiering.
• Prosjektansvarleg må dokumentere relevant forskingskompetanse i eigen organisasjon, hos samarbeidspartnar eller gjennom innkjøp frå ein FoU- leverandør. Relevant forskingskompetanse kan vere dr. grad. eller dokumentert publisering av forskingsresultat
• Aktørar i og utanfor Vestland kan delta i prosjektet som samarbeidspartnar, FoU-leverandør m.v.
• Prosjektansvarleg eller ein samarbeidspartnar kan ikkje ha eit bindande forhold til ein FoU-leverandør i prosjektet, for eksempel i konsernrelasjon.
• Bedrifter (prosjektansvarleg og samarbeidspartnarar) i prosjektet som har bindande forhold til kvarandre, vil bli rekna som ein og same støttemottakar etter statsstøtteregelverket.
• Norske og utanlandske kompetansemiljø og forskingsorganisasjonar kan delta i prosjektet som FoU-leverandørar, med ansvar for å utføre FoU-arbeid på oppdrag frå bedriftene i prosjektet. FoU-leverandørar skal ikkje bidra til å finansiere prosjektet.
• Utanlandske aktørar kan vere partnar som bærer sine eigne kostnader i prosjektet eller FoU-leverandør som fakturerer alle sine kostnader til prosjektansvarleg.
• Samarbeidspartnarar eller FoU-leverandørar (utanom prosjektansvarleg søkjar) må registrerast under "Samarbeidspartnarar og FoU-leverandørar" i søknadsskjemaet. Les meir om samarbeidspartnarar og FoU-leverandørar.
• Prosjektansvarleg søkjar må sikre finansiering av prosjektet utover støtte frå RFF Vestland

Samarbeid om innovasjon og forsking

• Prosjektet tar utgangspunkt i ein unik innovasjonsidé hos ein eller fleire bedrifter som samarbeider i prosjektet. Dei forventa resultata kan være eit nytt produkt, ei ny teneste, ein ny produksjonsprosess, eller ei ny måte å levere produkt og tenester på. Også vesentlege forbetringar eller nye eigenskapar ved eksisterande produkt, tenester eller prosessar hos bedrifta(ne), kan vere eit resultat.
• Bedriftene i prosjektet har behov for ny kunnskap eller ny teknologi for å kunne lukkast med innovasjonen. Kunnskapen og teknologien blir utvikla gjennom FoU-aktivitet med bruk av anerkjent metodikk. FoU-aktivitetane må være industriell forsking eller eksperimentell utvikling som definert i statsstøtteregelverket. 
• Prosjektansvarleg og samarbeidspartnarane må ha tilgang til den FoU-kompetansen som er nødvendig for å gjennomføre prosjektet. 

RFF Vestland støtter kostnader knytt til FoU-aktivitetar i prosjektet. Vi gir ikkje støtte til drift eller tiltak for å nytte FoU-resultata, slik som beskyttelse av immaterielle rettar, marknadsundersøkingar og marknadsføring, uttesting og ferdigstilling av nye produkt og tenester. Slike kostnader kan ikkje vere med i prosjektbudsjettet.

Omfang av støtte

Graden av samla offentleg støtte til bedrifta sine prosjektkostnader er avhengig av storleik på bedrifta og type FoU-aktivitet. Støttegraden vil variere frå 25 til 70 prosent, jf. statsstøtteregelverket sjå "Artikkel 25: Støtte til forsknings- og utviklingsprosjekter" i tabellen og lenka under.  

Les meir om regelverket for statsstøtte.

Endeleg støttebeløp vil bli endeleg fastlagt når vi inngår kontrakt med dei som får støtte. 

Sett prosjektbudsjettet opp etter Forskingsrådet sine retningsliner.

Bryt prosjektbudsjettet ned på følgjande kostnadstypar:

• Personal- og indirekte kostnader, som er kostnader knytt til bedriftene si eigenutført FoU i prosjektet  
• Innkjøp av FoU-tenester, som er kostnader knytt til å engasjere FoU-leverandørar til å utføre FoU-oppgåver i prosjektet
• Utstyr, som er drifts- og avskrivingskostnader for vitskapleg utstyr som prosjektet er avhengig av å nytte
• Andre prosjektkostnader, som er kostnader til annan aktivitet som er nødvendig for å gjennomføre FoU-aktivitetane

Føresetnader for tildeling av støtte

• Eit føretak er ein kvar aktør som driv økonomisk aktivitet ved å tilby varer og/eller tenester i ein marknad. Støtte til føretak er å rekne som statsstøtte. Når eit føretak får dekka deler av sine prosjektkostnader i eit FoU-prosjekt, må dette skje etter Gruppeunntaksforordninga, art. 25 (Kommisjonsforordning (EU) nr. 651/2014).
• Støtte frå Regionalt forskingsfond Vestland skal ha insentiveffekt. Det betyr at den offentlige støtten må føre til aktivitet eller investeringar som elles ikke ville skjedd, eller som ville skjedd i mindre omfang, eller som ville blitt utført på ei mindre samfunnsgunstig måte. Etter artikkel 6 i Gruppeunntaksforordning vil støtte ha insentiveffekt viss  støttemottakar har sendt inn ein skriftleg søknad om støtte før arbeidet i prosjektet er starta opp. 
• Det er mogleg å kombinere støtte frå fleire ordningar. Det kan ha betydning i kva rekkefølge du søker dei forskjellige støtteordningane. Anna offentleg støtte til aktivitet som inngår i prosjektet vil kunne påverke omfanget av støtte frå RFF Vestland. Les meir om regelverk for statsstøtte.
• Forskingsrådet sine Generelle vilkår for FoU-prosjekt er del av kontrakten med RFF Vestland.   
• Forskingsresultata skal bli gjort tilgjengelege ved deling og publisering i tråd med policy for open forsking.
• Prosjektet skal ha plan for løpande formidling gjennom prosjektperioden.

Prosjektansvarleg verksemd avgjer kva arkivløysingar som skal nyttast for lagring av forskingsdata i prosjektet.

Eit godt planlagt prosjekt resulterer vanlegvis i ein godt formulert søknad. Les våre tips til ein god søknadsprosess.

Du må opprette og sende inn søknad via Mitt nettsted (sjå «Opprett søknad»). Du kan endre og sende inn søknaden fleire gonger fram til søknadsfristen. Når søknadsfristen går ut, vil vi behandle den sist innsendte versjonen.

• Søknaden skal være innafor formål og rammer for utlysinga og søknadstypen.
• Krav til samarbeid og partnarskap må vere oppfylt
• Søknaden og alle vedlegg skal vere på norsk eller engelsk.
• Søknadsbeløp, kva det er søkt om og eigenfinansiering er innanfor ramme fastlagt i utlysinga. Ubetalt eigeninnsats vil ikkje bli godkjend.
• Mal for prosjektskildring og partnaropplysingar i denne utlysinga skal nyttast. 
• Alle obligatoriske vedlegg skal vere lagt ved og må vere i PDF-format

Obligatoriske vedlegg

• Prosjektskildring på maksimalt 10 sider. Bruk mal i utlysinga. Alle punkta i mal malen må vere fylt ut.
• Partnaropplysingar for søkjarbedrift (prosjektansvarleg) og for kvar av dei samarbeidande bedriftene (bedriftspartnarane). Bruk mal i utlysinga. (Last opp som vedleggtype "Partnaropplysingar".)
• CV på inntil 4 sider kvar for prosjektleiar og inntil 5 sentrale prosjektmedarbeidarar (til dømes ansvarlege for arbeidspakkane i prosjektet). 

Andre vedlegg enn dei som er spesifiserte over eller lenker til nettsider, vil ikkje bli vurdert. Støttebrev eller samarbeidsavtaler er ikkje obligatoriske og skal ikkje vere med.

Det er ikkje teknisk kontroll på innhald i vedlegga du laster opp, så pass på å laste opp korrekt fil på riktig vedleggtype.

Alle krav i utlysinga må være oppfylt. Ufullstendige eller mangelfulle søknader kan bli avslått utan fagleg vurdering.

Fagekspertar vurderer Forskingskvalitet, Verknader og effektar, Gjennomføring og Samla vurdering. Sekretariatet for RFF Vestland vurderer regional relevans.

I tillegg vil det bli lagt vekt på Formidling og kommunikasjon, Forskingsetikk, Miljøkonsekvensar, Kjønnsbalanse i prosjektet og Kjønnsperspektiv i forskinga, der det er relevant.

Sekretariatet for RFF Vestland vurderer om søknaden fyller formelle krav og er innanfor dei mål og rammer som er gitt i utlysinga.

Søknader utan formelle feil vil bli vurdert av eit ekspertpanel i Forskingsrådet.  

Sekretariatet for RFF Vestland vurderer regional relevans og lagar innstilling til styret. Styret fattar vedtak om støtte i møte den 19. desember 2022. Informasjon om kva søknader som før støtte vil bli lagt ut på denne nettsida 19./20. desember.  

RFF Vestland tek seg retten til å diskutere søknaden med andre offentlege aktørar (som Innovasjon Noreg og Forskningsrådet) der dette er relevant for søknadsbehandlinga. Alle søknader vil bli søknader behandla etter Lov om offentlighet § 26, fjerde avsnitt.